ప్రైవేట్ కాలేజీల సమ్మె వాయిదా.. అక్టోబర్ 23 నుంచి కాలేజీలు బంద్..!?

తెలంగాణలో ప్రైవేట్ కళాశాలల సమ్మె తాత్కాలికంగా వాయిదా పడింది. పెండింగ్‌లో ఉన్న దాదాపు రూ.1,000 కోట్ల ఫీజు రీయింబర్స్‌మెంట్ బకాయిలు చెల్లిస్తామని ప్రభుత్వం హామీ ఇవ్వడంతో.. తెలంగాణ ఉన్నత విద్యాసంస్థల సమాఖ్య ఈ నిర్ణయం తీసుకుంది. దీపావళి నాటికి రూ.300 కోట్లు విడుదల చేస్తామని ప్రభుత్వం స్పష్టం చేసింది. అయితే.. ప్రభుత్వం ఇచ్చిన హామీ నెరవేరకపోతే.. ఈ నెల 23వ తేదీ నుంచి అన్ని ప్రైవేట్ డిగ్రీ, ఇంజినీరింగ్, ఫార్మసీ కళాశాలలు తిరిగి బంద్ పాటిస్తాయని సమాఖ్య హెచ్చరించింది.