ప్లాన్ చేసి ఫోన్ కొట్టేసి.. ఊహించని రీతిలో దొరికిపోయిన దొంగ..

గుంటూరు జిల్లాలో ఓ దొంగ వ్యవహారం నవ్వు తెప్పిస్తోంది. పక్కాగా ప్లాన్ చేసి దొంగతనం చేస్తే.. సీన్ రివర్సై అడ్డంగా దొరికిపోయాడు. చెరుకుపల్లిలో ఓ దొంగ శనివారం తెల్లవారుజామున ఓ ఇంట్లోకి దూరి సెల్ ఫోన్ చోరీ చేశాడు. అయితే సాయంత్రమే దానిని అమ్మాలని నిర్ణయించుకున్నాడు. అమ్మేందుకు ఓ షాపు వద్దకు వెళ్లగా..సీన్ రివర్సైంది. ఎవరిదైతే ఫోన్ కొట్టేశాడో వారి షాపువద్దకే వెళ్లి అమ్మే ప్రయత్నం చేసి దొరికిపోయాడు. దీంతో షాపు యజమాని దేహశుద్ధి చేసి.. పోలీసులకు అప్పగించారు.