ఫ్యూచర్‌ సిటీకి కొత్త పోలీస్‌ కమిషనరేట్‌.. రాచకొండ కమిషనరేట్ పేరు మార్పు, కొత్త సీపీలు వీరే..

హైదరాబాద్‌లో పోలీసు కమిషనరేట్ల పునర్వ్యవస్థీకరణ జరిగింది. ముఖ్యమంత్రి ప్రతిష్ఠాత్మకంగా భావిస్తున్న 'ఫ్యూచర్ సిటీ' కోసం నాలుగో కమిషనరేట్ ఏర్పాటు చేశారు. రాచకొండ పేరు 'మల్కాజిగిరి'గా మారింది. హైదరాబాద్, సైబరాబాద్ కమిషనరేట్ల పరిధిలోనూ మార్పులు చేశారు. ఈ మార్పులతో నేరాల నియంత్రణ సులభమై, అభివృద్ధి చెందుతున్న ప్రాంతాలకు పోలీసు సేవలు చేరువవుతాయని ప్రభుత్వం ఆశిస్తోంది.