బాపట్లలో తీవ్ర విషాదం.. బీచ్‌లో స్నానానికి వెళ్లి ఐదుగురు విట్ విద్యార్థులు మృతి

బాపట్ల జిల్లా చీరాల సమీపలోని వాడరేవు బీచ్‌లో ఆదివారం తీవ్ర విషాదం చోటుచేసుకుంది. అక్కడ సముద్ర స్నానానికి దిగిన ఎనిమిది మంది యువకులలో ఐదుగురు అలల ఉద్ధృతికి కొట్టుకుపోయి ప్రాణాలు కోల్పోయారు. స్థానికులు మరో ముగ్గురిని రక్షించారు. గతంలోనూ ఈ బీచ్‌లో ఇలాంటి సంఘటనలు జరిగాయి. గతేడాది రెండు సందర్భాల్లో 20 మంది కొట్టుకుపోగా.. వారిలో 14 మందిని పోలీసులు, స్థానికులు రక్షించారు. దీంతో కొద్ది రోజలు బీచ్‌ను మూసివేశారు.