బాప్ ఏక్ నంబరీ బేటా దస్ నంబరీ.. గుడివాడ అమర్

మంత్రి నారా లోకేశ్‌పై మాజీ మంత్రి గుడివాడ అమర్నాథ్ సెటైర్లు.. బాప్ ఏక్ నంబరీ బేటా దస్ నంబరీ.. బరువు తగ్గాడు కానీ బుద్ధి మాత్రం పెరగలేదంటూ సంచలన వ్యాఖ్యలు. 'ఈ 15 నెలల్లో కూటమి ప్రభుత్వం సాధించింది ఏమిటి?. సాధించింది ఏమీ లేకే వైఎస్‌ జగన్‌పై విమర్శలు చేస్తున్నారు. అదానీ డేటా సెంటర్‌ గురించి చంద్రబాబు గొప్పలు చెప్పుకుంటున్నారు. కానీ అది ఏర్పాటైంది వైఎస్సార్‌సీపీ హయాం. సముద్ర జలాలు ఉపయోగించుకోవాలని చంద్రబాబు, లోకేష్‌లకు ఎప్పుడైనా అనిపించిందా?. లోకేష్‌ చెబుతున్న బ్లూ ఎకానమీకి అంకురార్పణ జరిగింది కూడా వైఎస్సార్‌సీపీ హయాంలోనే. చంద్రబాబు 30 ఏళ్లలో 58 సార్లు సింగపూర్‌కు వెళ్లారు. అక్రమంగా సంపాదించిందంతా దాచుకోవడానికి ఆయన అక్కడికి వెళ్తున్నారు. అందుకే ఆయన అక్కడికి వెళ్లి సాధించింది ఏమిటో చెప్పుకోలేకపోతున్నారు' అంటూ ఘాటు వ్యాఖ్యలు చేశారు.