బాబోయ్.. పెళ్లిళ్లకు ఇలాంటి ‘మటన్’ సప్లై చేస్తున్నారా..

హైదరాబాద్ - మంగళహాట్ పోలీస్టేషన్ పరిధిలో ఏ టు జెడ్ మేకల, గొర్రె మాంసం దుకాణంలో అక్రమంగా నిల్వ ఉంచిన మాంసాన్ని పోలీసులు స్వాధీనం చేసుకున్నారు. అధికంగా నిల్వ ఉంచడంతో దుర్వాసన చెందిన మాంసం.. హోల్ సేల్ పేరిట పలు హోటల్స్, పెళ్లిళ్లు శుభకార్యాలకు సప్లై చేస్తున్నట్లు పోలీసులు తెలిపారు. ఈ వ్యవహారంలో మొహమ్మద్ ఆఫ్రోజ్ అనే వ్యక్తిని అదుపులోకి తీసుకున్నారు టాస్క్‌ఫోర్స్ పోలీసులు. 12 క్వింటాళ్ల మాంసంతో పాటు.. అక్రమంగా నిల్వ ఉంచిన పాయ, బేజా, తలకాయ, లివర్, కిడ్నీ లాంటి పలు అవయవాలను పోలీసులు స్వాధీనం చేసుకున్నారు.