భార్యకు డీన్ పోస్ట్ రాలేదని భర్త పిటిషన్.. రిటైర్డ్ ప్రొఫెసర్‌కు షాకిచ్చిన హైకోర్టు

తన భార్యకు డీన్ పోస్ట్ రాలేదనే కారణంతో తిరుపతిలోని శ్రీ వేంకటేశ్వర వెటర్నరీ విశ్వవిద్యాలయంలోని నియమాకాలను సవాల్ చేస్తూ.. ఓ మాజీ ప్రొఫెసర్ హైకోర్టును ఆశ్రయించాడు. ఇందులో అనర్హులకు పదవులు దక్కాయాని ఆయన ఆరోపించారు. అయితే, అతడు ప్రజా ప్రయోజన వ్యాజ్యం దాఖలు చేయగా.. కుట్రకోణం, వ్యక్తిగత ప్రయోజనం ఉందని హైకోర్టు గమనించింది. అతడి దురుద్దేశం గుర్తించిన కోర్టు.. భారీగా జరిమానా విధించింది. అనంతరం ఆ ప్రొఫెసర్ వేసిన పిటిషన్ కొట్టివేసింది.