మంత్రి కొండా సురేఖకు రేవంత్ సర్కార్ ఝలక్.. గన్‌మెన్ల తొలగింపు..!

తెలంగాణలో మంత్రి కొండా సురేఖ చుట్టూ వరుసగా వివాదాలు చుట్టు ముడుతున్నాయి. మొదట కొండా సురేఖపై సోషల్ మీడియాలో ట్రోలింగ్ జరగ్గా.. ఆ తర్వాత ఆమె నోరు జారటం తీవ్ర దుమారం రేపుతోంది. ఈ క్రమంలోనే.. రేవంత్ రెడ్డి సర్కార్ కొండా సురేఖకు ఝలక్ ఇచ్చింది. కొండా దంపతులకు ప్రధాన అనుచరుడైన నవీన్ రాజ్‌కు ప్రభుత్వం కేటాయించిన గన్‌ మెన్లను వెనక్కి తీసుకుంది. అయితే.. సరిగ్గా మంత్రి వ్యాఖ్యల వివాదం నడుస్తున్న సమయంలోనే ఇలా చేయటం సర్వత్రా చర్చనీయాశంగా మారింది.