మన్మోహన్ సింగ్‌కు భారతరత్న ఇవ్వాలి: సీఎం రేవంత్

భారత మాజీ ప్రధాని మన్మోహన్ సింగ్‌కు భారతరత్న ఇవ్వాలని సీఎం రేవంత్ రెడ్డి కేంద్రాన్ని కోరారు. అసెంబ్లీలో మన్మోహన్ సింగ్‌ సంతాప తీర్మానాన్ని పెట్టిన రేవంత్.. దేశంలో ఉపాధి హామీ, ఆర్టీఐ లాంటి చట్టాలు చేసిన ఘనత మాజీ ప్రధాని మన్మోహన్ సింగ్‌కే దక్కిందన్నారు. ప్రధానిగా పదేళ్లపాటు దేశానికి అత్యుత్తమ సేవలందించారని కొనియాడారు. మన్మోహన్‌ సింగ్‌ ప్రధానిగా ఉన్నప్పుడు తెలంగాణ ఏర్పాటుకు మార్గం సుగమం అయిందని.. 2014లో ఆంధ్రప్రదేశ్‌ పునర్‌వ్యవస్థీకరణ చట్టాన్ని పార్లమెంటు ఆమోదించిందన్నారు. ఎన్నో ఏళ్ల పోరాట ఫలితంగా తెలంగాణ ఏర్పడిందన్న సీఎం.. తెలంగాణ ప్రజల గుండెల్లో ఆయన స్థానం ఎప్పటికీ శాశ్వతమేనని అన్నారు.