మా నాన్నను పూర్తిగా మార్చేశారు.. మంచు మనోజ్ కంటతడి

'మా నాన్న మోహన్ బాబు దేవుడు.. అప్పట్లో దేవుడి లెక్క ఉండే వారు.. ఇప్పుడు కాదు' అంటూ మంచు మనోజ్ కీలక కామెంట్స్ చేశారు. దేవుడి లెక్క ఉండే ఆయన్ను మార్చేశారంటూ అన్నయ్య విష్ణుపై పరోక్షంగా విమర్శలు చేశారు. నాన్న భుజంపై తుపాకీ పెట్టి.. తనను కాలుస్తున్నారంటూ ఎమోషనల్ అయ్యారు. నాన్న, అమ్మ, అన్నయ్య విష్ణును ట్రాప్ చేశారన్నారు. కుటుంబ ఆస్తిలో తాను ఎప్పుడూ ఒక్క రూపాయి తీసుకున్నదీ లేదని.. ఆశించిందీ లేదని.. మద్యానికి బానిస అయ్యి కొడుతున్నట్లు తప్పుగా చిత్రీకరిస్తున్నారంటూ ఆవేదన వ్యక్తం చేశారు.