మాజీ మంత్రి కొడాలి నానికి షాక్.. స్టూడెంట్ ఫిర్యాదుతో రంగంలోకి పోలీసులు!

మాజీ మంత్రి, వైసీపీ నేత కొడాలి నానిపై విశాఖలో కేసు నమోదైంది. శనివారం రాత్రి త్రీటౌన్ పోలీస్ స్టేషన్‌లో ఆంధ్రా యూనివర్సిటీ లా విద్యార్ధిని సత్యాల అంజన ప్రియ చేసిన ఫిర్యాదు మేరకు పోలీసులు కేసు నమోదు చేశారు. వైసీపీ హయాంలో ఐదేళ్లుగా కొడాలి నాని పత్రికా ప్రకటనలు, అసెంబ్లీ సమావేశాలలో వాడిన భాషపై ఆమె తన ఫిర్యాదులో అభ్యంతరం తెలిపారు. అధికారిక కార్యక్రమాలలో టీడీపీ అధినేత, ప్రస్తుత సీఎం చంద్రబాబు నాయుడు, మంత్రి నారా లోకేశ్‌‌పై అవమానకరమైన రీతిలో అసభ్య పదజాలం ఉపయోగించారని, దుర్భాషలాడుతూ, వ్యక్తిగత దూషణలకు పాల్పడ్డారంటూ ఆమె ఫిర్యాదులో పేర్కొన్నారు. ఈ మేరకు కేసు నమోదు చేసుకున్న పోలీసులు విచారణ చేపట్టారు.