మాట నిలబెట్టుకునేందుకు.. స్కూటర్ మీద తిరుగుతున్న ఎమ్మెల్యే, కారణం తెలుసా?

MLA Kotamreddy Inspection on a scooter: నెల్లూరు ఎమ్మెల్యే కోటంరెడ్డి శ్రీధర్ రెడ్డి ఆకస్మిక పర్యటనలు చేపట్టారు. నెల్లూరు రూరల్ నియోజకవర్గంలో స్కూటర్ మీద తిరుగుతూ ఆకస్మిక పర్యటనలు చేపడుతున్నారు. కోటంరెడ్డి శ్రీధర్ రెడ్డి ఇటీవల 303 అభివృద్ధి పనులకు శంకుస్థాపన చేశారు. అలాగే అభివృద్ధి పనులను 60 రోజుల్లో పూర్తిచేస్తామని.. మే 20 నాటికి వాటిని ప్రారంభిస్తామని హామీ ఇచ్చారు. ఈ నేపథ్యంలో పనుల పురోగతిని పరిశీలించేందుకు ఇలా స్కూటర్ మీద తిరుగుతూ ఆకస్మిక పర్యటనలు చేపడుతున్నారు కోటంరెడ్డి.