మిథాలీ రాజ్‌తో ఏసీఏ కీలక ఒప్పందం.. గేమ్ ఛేంజింగ్ కానుందా?

టీమిండియా మహిళల క్రికెట్ జట్టు మాజీ కెప్టెన్ మిథాలీ రాజ్‌.. ఏపీ క్రికెట్‌లో గేమ్ ఛేంజర్ కానున్నారు. ఆంధ్రప్రదేశ్ మహిళా క్రికెట్ మెంటార్‌గా, మహిళా క్రికెట్ వ్యవహారాలు చూడటం కోసం ఆంధ్రా క్రికెట్ అసోసియేషన్ మిథాలీ రాజ్‌తో ఒప్పందం కుదుర్చుకుంది. మూడేళ్ల పాటు మిథాలీ రాజ్ ఏపీ మహిళా క్రికెట్ మెంటార్‌‍గా వ్యవహరించనున్నారు. యువతలో టాలెంట్ గుర్తించటంతో పాటుగా వారిని తీర్చిదిద్దటంలో గైడెన్స్ ఇవ్వనున్నారు. అలాగే అనంతపురంలో ఏర్పాటు చేసే మహిళా క్రికెట్ అకాడమీలోనూ మిథాలీ రాజ్ కీలకంగా వ్యవహరించనున్నారు.