మియాపూర్‌లో యువ డాక్టర్ అనుమానాస్పద మృతి.. 3 రోజుల క్రితం ఫ్రెండ్‌తో కలిసి వచ్చి..!

మియాపూర్‌లో ఓ యువ వైద్యురాలు అనుమానాస్పద స్థితిలో మృతి చెందడం కలకలం రేపుతోంది. 3 రోజుల క్రితం ఓ స్నేహితుడితో కలిసి వరంగల్‌ నుంచి హైదరాబాద్‌కు వచ్చిన ఆమె ప్రైవేట్‌ సర్వీస్‌ అపార్ట్‌మెంట్‌లో ఉన్నారు. అయితే తమ కుమార్తె ఫోన్‌ అందుబాటులో లేకపోవడంతో ఆందోళన చెందిన తల్లిదండ్రులు మొబైల్‌ లొకేషన్‌ ఆధారంగా మియాపూర్‌ పోలీసులను సంప్రదించారు. పోలీసులు అపార్ట్‌మెంట్‌కు చేరుకుని చూడగా ఆమె అప్పటికే అనుమానాస్పదంగా మృతి చెందారు. ఆమెతో వచ్చిన యువకుడు ప్రస్తుతం పరారీలో ఉన్నట్లు పోలీసులు తెలిపారు.