మిస్ ఇండియా యూనివర్స్‌లో సత్తాచాటిన తెలంగాణ యువతులు.. ఇద్దరు రన్నరప్‌లు

ఐర్లాండ్‌లో జరిగిన మిస్‌ ఇండియా యూనివర్స్‌ 2026 అందాల పోటీల్లో తెలంగాణకు చెందిన ఇద్దరు యువతులు సత్తా చాటారు. వైరాకు చెందిన నిఖిత ఫస్ట్‌ రన్నరప్‌గా నిలవగా.. వరంగల్‌కు చెందిన రాజరాజేశ్వరి మూడో రన్నరప్‌గా నిలిచారు. డబ్లిన్‌లో నిర్వహించిన ఈ పోటీలో 18 మంది భారతీయ యువతులు ఫైనల్స్‌కు ఎంపిక కాగా.. 3 రౌండ్లుగా సాగిన పోటీలో అందంతో పాటు ధైర్యం, ఆత్మవిశ్వాసం, అపజయాలను ఎదుర్కొనే తీరు వంటి అంశాలను పరిశీలించారు.