'మీకు ఇదంతా అవసరమా, బాధ్యతగా ఉంటే మంచిది'.. మంత్రికి చంద్రబాబు వార్నింగ్!

Chandrababu Serious On Tg Bharath: మంత్రి నారా లోకేష్ కాబోయే సీఎం అంటూ మంత్రి టీజీ భరత్ చేసిన వ్యాఖ్యలు ఆసక్తికరంగా మారాయి. ఈ క్రమంలో మంత్రి తీరుపై ముఖ్యమంత్రి చంద్రబాబు తీవ్ర ఆగ్రహం వ్యక్తం చేసినట్లు తెలుస్తోంది. సమయం, సందర్భం లేకుండా అనవసరమైన విషయాలు మాట్లాడొద్దని హెచ్చరించినట్లు సమాచారం. మరోసారి ఇలా చేయొద్దని హెచ్చరించారట. మంత్రి హోదాలో బాధ్యతగా ఉండాలని.. ఇలాంటి వ్యాఖ్యలు సరికాదని మంత్రికి చెప్పారట చంద్రబాబు.