మీకు తెలుగు రాదా.. బుర్ర లేదా.. జర్నలిస్టుపై ఆర్జీవీ సీరియస్

నవంబర్ 9 వరకూ రామ్ గోపాల్ వర్మపై తొందరపాటు చర్యలు తీసుకోవద్దంటూ పోలీసులను ఏపీ హైకోర్టు ఆదేశించిన సంగతి తెలిసిందే. ఈ నేపథ్యంలో రామ్ గోపాల్ వర్మ హైదరాబాద్‌లో సోమవారం విలేకర్ల సమావేశం నిర్వహించారు. ఈ సందర్భంగా ఓ జర్నలిస్టు తీరుపై ఆర్జీవీ మండిపడ్డారు. భయపడి రాజకీయ నేపథ్యం ఉన్న సినిమాలు చేయనని చెప్పారా అంటూ ఓ విలేకరి ప్రశ్నించారు. అలాగే సినిమాలకు ఉన్నట్టే మీడియాకు కూడా సెన్సార్ ఉండాలని చెప్పడం వెనుక ఉన్న కారణమేంటని విలేకరి ప్రశ్నించారు. అలాగే ముందస్తు బెయిల్ పిటిషన్ గురించి కూడా పలు ప్రశ్నలు సంధించారు. దీంతో రామ్ గోపాల్ వర్మ కాస్త అసహనానికి గురయ్యారు. మీకు తెలుగు రాదా.. బుర్ర లేదా అంటూ రిపోర్టర్‌పై ఆర్జీవీ అసహనం వ్యక్తం చేశారు.