మీకు మనసెలా వచ్చింది.. చాలా బాధేస్తోంది.. కొండా సురేఖ వ్యాఖ్యలపై రోజా రియాక్షన్

తెలంగాణ మంత్రి కొండా సురేఖ ఆదివారం చేసిన వ్యాఖ్యలు తెలుగు రాష్ట్రాల్లో సంచలనం రేపిన సంగతి తెలిసిందే. ఈ క్రమంలోనే మాజీ మంత్రి, వైసీపీ అధికార ప్రతినిధి రోజా.. కొండా సురేఖ వ్యాఖ్యలపై స్పందించారు. ఈ మేరకు కొండా సురేఖ వ్యాఖ్యలను ఖండిస్తూ ఎక్స్ వేదికగా ట్వీట్ చేశారు. సమంతపై కొండా సురేఖ చేసిన వ్యాఖ్యలు జుగుప్సాకరంగా ఉన్నాయని.. ఓ మహిళ పట్ల సాటి మహిళ ఇలా మాట్లాడటం చాలా బాధేస్తోందని అన్నారు. ఇలా మాట్లాడటానికి కొండా సురేఖకు మనసెలా వచ్చిందంటూ ప్రశ్నించారు. ఈ పరిస్థితిని నాగార్జున కుటుంబం, సమంత మనోధైర్యంతో అధిగమించాలని కోరుకుంటున్నట్లు రోజా ట్వీట్ చేశారు.