మున్సిపల్‌ ఎన్నికల రిజర్వేషన్ల జాబితా ప్రకటన.. హైదరాబాద్‌ మేయర్‌ పీఠం రిజర్వేషన్ ఎవరికంటే..

తెలంగాణలో మున్సిపల్ ఎన్నికల కోసం మేయర్లు, చైర్‌పర్సన్ల రిజర్వేషన్లు ఖరారయ్యాయి. మొత్తం పదవుల్లో 50 శాతాన్ని మహిళలకు కేటాయించినట్లు మున్సిపల్ శాఖ డైరెక్టర్ శ్రీదేవి వెల్లడించారు. కీలకమైన హైదరాబాద్ మేయర్ పీఠంతో పాటు ఖమ్మం, నల్గొండ, నిజామాబాద్‌లను మహిళా జనరల్‌కు కేటాయించారు. మహబూబ్‌నగర్ బీసీ మహిళకు, కొత్తగూడెం ఎస్టీ జనరల్, రామగుండం ఎస్సీ జనరల్, కరీంనగర్ మరియు మంచిర్యాల బీసీ జనరల్‌కు దక్కాయి. గ్రేటర్ వరంగల్ మాత్రం అన్‌రిజర్వుడ్‌గా ఉంది.