మెట్‌పల్లిలో ఇడియట్ స్టోరీ రిపీట్.. అమ్మాయి కోసం పోలీసులతోనే యువకుడి పోరాటం..!

కొత్త ప్రేమజంట పట్ల మెట్‌పల్లి పోలీసుల తీరు సర్వత్రా వివాదాస్పదమవుతోంది. అచ్చంగా ఇడియట్ సినిమా స్టోరీని తలపిస్తోన్న ఈ ఘటనలో.. అమ్మాయి తండ్రి అయిన డిస్మిస్డ్ హోంగార్డ్.. తన పోలీస్ పరిచయాలతో కథ నడిపిస్తున్నట్టుగా వార్తలు వస్తున్నాయి. ఆ వార్తలకు బలం చేకూరుస్తూ.. కొత్తజంట ఇష్టాయిష్టాలకు వ్యతిరేకంగా పట్టణ సీఐ, పోలీసులు చర్యలు తీసుకుంటున్నారు. రక్షణ కల్పిస్తానని నమ్మించి అమ్మాయిని అబ్బాయి నుంచి వేరు చేసి బలవంతంగా జగిత్యాల సఖి సెంటర్‌కు తరలించారు.