'మోమోస్' తిని మహిళ మృతి.. మరో 20 మందికి అస్వస్థత.. అసలు కారణం ఇదే..!

హైదరాబాద్‌‌లో మరో విషాదం చోటుచేసుకుంది. వీక్లీ మార్కెట్‌లో పెట్టిన మోమోస్ తిని.. ఓ మహిళ మృతి చెందగా.. 20 మందికి పైగా స్థానికులు తీవ్ర అస్వస్థతకు గురయ్యారు. ఈ ఘటన బంజారాహిల్స్‌ నందినగర్‌లో చోటుచేసుకుంది. శుక్రవారం (అక్టోబర్ 25న) జరిగిన వీక్లీ మార్కెట్‌లో ఏర్పాటు చేసిన మోమోస్ బండి దగ్గర.. సుమారు 50 మందికి పైగానే మోమోస్ తినగా.. చాలా మంది తీవ్ర అస్వస్థకు గురైనట్టు తెలుస్తోంది. అయితే.. పరిస్థితి విషమించటంతో రేష్మ భేగం అనే మహిళ మృతి చెందింది.