రాయలసీమకు చంద్రబాబు చెప్పే శుభవార్త అదేనా? అదే అయితే వారి పంట పండినట్టే!

రాయలసీమకు త్వరలోనే గుడ్ న్యూస్ వినిపిస్తానంటూ సీఎం చంద్రబాబు నాయుడు శ్రీశైలం పర్యటనలో చేసిన వ్యాఖ్యలు ప్రస్తుతం ఆసక్తికరంగా మారాయి. సీఎం చంద్రబాబు చెప్పబోయే ఆ శుభవార్త ఏమిటా అనే దానిపై చర్చలు జరుగుతున్నాయి. చంద్రబాబు మదిలో ఏముందనే విశ్లేషణలు వినిపిస్తున్నాయి. తన ప్లాన్ సక్సెస్ అయితే రాయలసీమ రతనాలసీమగా మారుతుందంటూ చంద్రబాబు చెప్పిన నేపథ్యంలో.. ఏదైనా భారీ పరిశ్రమను ఏర్పాటు చేయనున్నారా అనే దానిపై ఆసక్తి నెలకొంది. అమెరికా పర్యటనకు వెళ్లిన నారా లోకేష్ అనంతపురంలో టెస్లా ప్లాంట్ ఏర్పాటు చేయాలని కోరిన నేపథ్యంలో.. ఈ దిశగా ఏమైనా ప్రకటన ఉంటుందా అనేది ప్రాధాన్యం సంతరించుకుంది.