రూ.3,222 కోట్ల ప్రాజెక్టులకు సీఎం చంద్రబాబు గ్రీన్ సిగ్నల్.. తిరుపతి రూపురేఖలు మారబోతున్నాయా?

తిరుపతి నగర అభివృద్ధి కోసం సీఎం చంద్రబాబునాయుడు రూ.3,222 కోట్ల ప్రాజెక్టులకు శ్రీకారం చుట్టారు. అలాగే భక్తుల కోసం సరికొత్త వెంకటాద్రి యాప్‌ను కూడా ముఖ్యమంత్రి ప్రారంభించారు. ఈ మెగా పనుల్లో ప్రధాన అట్రాక్షన్‌ రూ.2,750 కోట్ల ఇంటిగ్రేటెడ్ పిలిగ్రిమ్ టౌన్‌షిప్ నిర్మాణం. దీనిని సరిగ్గా రెండేళ్ల వ్యవధిలో పూర్తి చేయాలని అధికారులకు సీఎం స్పష్టమైన డెడ్‌లైన్ విధించారు. అలాగే ఈ పనులను వ్యాపారం కోణంలో ఉండేవాళ్లకి కాకుండా సేవా దృక్పథంతో చేసే వాళ్లకి అప్పగించాలని సూచించారు. దీంతో తిరుపతి నగర రూపురేఖలు భవిష్యత్తులో మారే అవకాశం ఉంది.