రూ.816 కోట్లతో కృష్ణానదిపై భారీ ఐకానిక్ కేబుల్ బ్రిడ్జ్.. తిరుపతికి తర్వగా వెళ్లిపోవచ్చు

రెండు తెలుగు రాష్ట్రాలను కలిపే కృష్ణా నదిపై సోమశిల వద్ద రూ.816 కోట్లతో కిలోమీటరుకు పైగా పొడవునా ఐకానిక్ కేబుల్ వంతెన నిర్మించనుంది కేంద్రం. దీనితో నంద్యాల, తిరుపతి ప్రయాణాలకు 90 కిలోమీటర్ల దూరం తగ్గుతుంది. ఈ ప్రతిష్టాత్మక ప్రాజెక్టుకు టెండర్లు ఆహ్వానించడంతో కీలక ముందడుగు పడింది. ఈ వంతెనతో రవాణా సౌకర్యంతో పాటు పర్యాటకం కూడా మెరుగుపడుతుందని కేంద్ర ప్రభుత్వం భావిస్తోంది. 36 నెలల్లో దీన్ని పూర్తి చేయాలని లక్ష్యంగా పెట్టుకుంది.