రేవంత్ చేసింది కరెక్టే.. అల్లు అర్జున్ అరెస్టుపై పవన్ కళ్యాణ్ సంచలన కామెంట్స్

తెలుగు సినీ ఇండస్ట్రీని కుదిపేసిన సంధ్య థియేటర్ తొక్కిసలాట ఘటనపై తొలిసారి ఏపీ డిప్యూటీ సీఎం పవన్ కళ్యాణ్ స్పందించారు. సోమవారం (డిసెంబర్ 30న) మంగళగిరిలో మీడియాతో చిట్‌చాట్‌లో పవన్ మాట్లాడుతూ.. అల్లు అర్జున్ అర్జున్ అరెస్టు విషయంపై ఇంట్రెస్టింగ్ కామెంట్స్ చేశారు. గోటితో పోయే దాన్ని గొడ్డలి వరకూ తెచ్చుకున్నారని పవన్ కళ్యాణ్ అభిప్రాయపడ్డారు. అభిమాని మృతిచెందిన విషయం తెలియగానే వెంటనే వాళ్లింటికి వెళ్లి పరామర్శించాల్సిందని.. ఈ విషయంలో మానవతా దృక్పథం లోపించినట్లు తనకు అనిపించిందని పవన్ వ్యాఖ్యానించారు. అల్లు అర్జున్‌ కాకపోయినా కనీసం ‘పుష్ప 2’ టీమ్ అయినా వెంటనే స్పందించి సంతాపం తెలిపితే సమస్య ఇంత జఠిలంగా మారి ఉండేది కాదన్నారు. రేవంత్ రెడ్డి పేరు మరిచిపోయాడని అల్లు అర్జున్‌ని అక్రమంగా అరెస్ట్ చేశారనడం సరికాదని పవన్ కళ్యాణ్ అభిప్రాయపడ్డారు.