రేషన్ బియ్యం అక్రమ రవాణాపై ఏపీ ప్రభుత్వం సీరియస్.. కీలక నిర్ణయం

రేషన్ బియ్యం అక్రమ రవాణా నేపథ్యంలో ఆంధ్రప్రదేశ్ ప్రభుత్వం మరో కీలక నిర్ణయం తీసుకుంది. రేషన్ బియ్యం అక్రమ రవాణాపై సిట్ ఏర్పాటు చేసింది. ఆరుగురు సభ్యులతో ప్రత్యేక దర్యాప్తు బృందాన్ని నియమిస్తూ ఈ మేరకు ఉత్తర్వులు జారీ చేశారు. వినీత్ బ్రిజ్‌లాల్ ఈ సిట్‌కు నేతృత్వం వహిస్తారు. ప్రతి పదిహేను రోజులకు ఒకసారి పురోగతిపై నివేదిక ఇవ్వాలని ప్రత్యేక దర్యాప్తు బృందాన్ని ప్రభుత్వం ఆదేశించింది. మరోవైపు ఎన్ని సిట్‌లు ఏర్పాటు చేస్తారంటూ వైసీపీ విమర్శిస్తోంది. ప్రచారం కోసమే ఈ హడావిడి అంటూ మాజీ మంత్రి అంబటి రాంబాబు ఆరోపించారు.