రోడ్డు పక్కన వేల సంఖ్యలో నాటు కోళ్లు.. అందిన కాడికి పట్టుకెళ్లిన జనాలు

తాజాగా హనుమకొండ జిల్లాలో ఒక వింత సంఘటన వెలుగులోకి వచ్చింది. ఎక్కడ నుంచి వచ్చాయో.. ఎలా వచ్చాయో తెలియదు కానీ.. శనివారం నాడు ఎల్కతుర్తి, సిద్ధిపేట జాతీయ రహదారి వెంబడి వేల కొద్ది నాటుకోళ్లు దర్శనం ఇచ్చాయి. దీని గురించి పరసర గ్రామాల ప్రజలకు తెలిసింది. అసలే నాటు కోడి అంటే ప్రాణాలిస్తారు. అలాంటిది రోడ్డు పక్కన పడేశారంటే చికెన్ లవర్స్ ఆగుతారా.. వెంటనే అక్కడకు వచ్చి అందినకాడికి నాటు కోళ్లను దొరకపట్టుకుని.. చక్కా పోయారు. అరే ఈ కోళ్లు ఇక్కడకు ఎలా వచ్చాయి.. వీటికి ఏమైనా రోగం వచ్చిందా.. ఎందుకు పడేశారు అని ఒక్కరు కూడా ఆలోచించలేదు.