లీకైన ప్రశ్నపత్రాలతో పరీక్షలు రాసిన ఏఈవోలు.. 30 మందిని సస్పెండ్ చేసిన ప్రభుత్వం

పీజేటీఎస్ఏయూ పరీక్షల్లో ప్రశ్నపత్రాల లీకేజీ వ్యవహారం కలకలం రేపింది. ఇన్‌సర్వీస్ కోటాలో బీఎస్సీ అగ్రికల్చర్ చదువుతూ అక్రమాలకు పాల్పడిన 30 మంది ఏఈవోలపై ప్రభుత్వం సస్పెన్షన్ వేటు వేసింది. వాట్సప్, ఏఐ పెన్నుల వాడకంతో పాటు, ఈ కుట్ర వెనుక ఎవరున్నారో తెలుసుకునేందుకు సీఐడీ విచారణకు ఆదేశించారు. ప్రభుత్వ అవకాశాన్ని దుర్వినియోగం చేసిన వారిపై కఠిన చర్యలు తప్పవని హెచ్చరికలు వెలువడ్డాయి.