వరంగల్ చుట్టూ ORR, ఇన్నర్ రింగు రోడ్డు కూడా.. ఆ ప్రాంతాల్లో భూములకు రెక్కలు.. దశ తిరిగినట్టే..!

Warangal Inner Ring Road: గత కొన్ని రోజులుగా తెలంగాణ రాష్ట్ర రెండో రాజధానిగా వరంగల్‌ను ప్రకటించనున్నారని.. ఆమేరకు రేవంత్ రెడ్డి సర్కార్ ప్రణాళికలు రచిస్తోందంటూ సర్వత్రా చర్చ నడుస్తోంది. ఇటీవల వరంగల్‌లో పర్యటించిన రెవెన్యూ శాఖ మంత్రి పొంగులేటి శ్రీనివాస్ రెడ్డి చేసిన వ్యాఖ్యలతో ఈ చర్చ తెరపైకి వచ్చింది. ఆయన చేసిన కామెంట్లకు బలం చేకూరుస్తూ.. మంగళవారం రోజున మంత్రులు.. వరంగల్ ఔటర్ రింగు రోడ్డు, ఇన్నర్ రింగు రోడ్డుకు సంబంధించిన భూసేకరణపై కీలక సమావేశం నిర్వహించారు.