వరుస పశువుల మరణాలు.. భయంతో వణికిపోయిన ఊరి జనం.. సీసీటీవీ చూస్తే వామ్మో!

నంద్యాల జిల్లా డోన్ మండలంలో అమానవీయ ఘటన జరిగింది. ఓ వ్యక్తి దుర్బుద్ధి కారణంగా 80 వరకూ పశువులు చనిపోయాయి. మిగతా రైతుల వద్ద ఎద్దులు లేకుంటే అందరూ తన వద్దకే ఎద్దుల కోసం బాడుగకు వస్తారనే దురాశతో ఓ వ్యక్తి దారుణానికి ఒడిగట్టాడు. మూగజీవాలకు విషపు గుళికలు పెడుతూ ప్రాణాలు తీయడం మొదలెట్టాడు. ఈ క్రమంలో గత నాలుగేళ్లలో 80 వరకూ మూగజీవాలు మృత్యువాత పడ్డాయి. అయితే సీసీటీవీ ఫుటేజీ ద్వారా నిందితుణ్ని గుర్తించిన స్థానికులు అతనిపై డోన్ రూరల్ పోలీస్ స్టేషన్‌లో ఫిర్యాదు చేశారు.