వర్రా రవీంద్రారెడ్డి కేసు.. వైఎస్ అవినాష్ రెడ్డి పీఏకు పోలీసుల నోటీసులు

వర్రా రవీంద్రారెడ్డి కేసులో కడప ఎంపీ వైఎస్ అవినాష్ రెడ్డి పీఏ రాఘవరెడ్డికి పోలీసులు నోటీసులు ఇచ్చారు. సోమవారం విచారణకు హాజరు కావాలంటూ నోటీసులు అందజేశారు. ఈ కేసులో ముందస్తు బెయిల్ పిటిషన్ కోరుతూ బండి రాఘవరెడ్డి హైకోర్టులో పిటిషన్ వేసిన సంగతి తెలిసిందే. ఈ పిటిషన్‌ను డిసెంబర్ 12న హైకోర్టువిచారించనుంది. అయితే అప్పటి వరకూ ఎలాంటి కఠిన చర్యలు తీసుకోవద్దని పోలీసులను ఆదేశిస్తూనే.. విచారణకు సహకరించాలని రాఘవరెడ్డికి స్పష్టం చేసింది. ఈ నేపథ్యంలోనే పోలీసులు నోటీసులు ఇచ్చారు.