వాయుగుండంగా మారిన అల్పపీడనం.. తెలంగాణలో భారీ నుంచి అతి భారీ వర్షాలు..!

Telangana Weather Report: బంగాళఖాతంలో ఏర్పడిన అల్పపీడనం కాస్త వాయుగుండంగా మారటంతో.. రెండు తెలుగు రాష్ట్రాల్లో భారీ వర్షాలు కురుస్తున్నాయి. ఇప్పటికే ఏపీలోని కోస్తాంధ్రా, రాయలసీమ జిల్లాల్లో భారీ నుంచి అతిభారీ వర్షాలు కురుస్తున్నాయి. ఈ మేరకు ఆయా జిల్లాలకు రెడ్ అలర్ట్ ప్రకటించారు అధికారులు. ఈ క్రమంలోనే.. ఆ వాయుగుండం ప్రభావం తెలంగాణకు కూడా కాస్త పడే అవకాశం ఉందని అధికారులు అంచనా వేస్తున్నారు. పలు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని అంచనా వేస్తున్నారు.