వాహనదారులకు అలర్ట్.. పెండింగ్ ట్రాఫిక్ చలాన్లు ఉంటే లైసెన్స్ రద్దు..!

తెలంగాణలోని వాహనదారులకు అలర్ట్. మీ వాహనంపై మూడు నెలలకు పైగా పెండింగ్ చలాన్లు ఉన్నాయా..? అయితే మీ డ్రైవింగ్ లైసెన్స్ క్యాన్సిల్ అయ్యే ప్రమాదం ఉంది. రాష్ట్రంలో ట్రాఫిక్ నిబంధనలను పదే పదే ఉల్లంఘిస్తున్న వాహనదారులపై రవాణా శాఖ కఠిన చర్యలకు సిద్ధమవుతోంది. ముఖ్యంగా మూడు నెలలకు పైగా చలాన్లు పెండింగ్‌లో ఉన్నవారి డ్రైవింగ్ లైసెన్స్‌లను సస్పెండ్ చేయాలని అధికారులు ప్రతిపాదించారు. పెండింగ్ చలాన్లు, రోడ్డు భద్రతకు ముప్పు నేపథ్యంలో ఈ కొత్త నిబంధనను అమలు చేసేందుకు రవాణా శాఖ ప్రభుత్వానికి నివేదించనుంది.