విజయవాడ: ఒక్క ఫోన్‌కాల్.. అమాయకంగా రూ1.25 కోట్లు పోగొట్టుకున్న యువతి

Vijayawada Digital Arrest: విజయవాడలో ఓ యువతి అమాయంకగా మోసపోయింది. డిజిటల్‌ అరెస్టు అంటూ వచ్చే ఫోన్లను నమ్మవద్దని సైబర్​ పోలీసులు ఎన్ని హెచ్చరిస్తున్నా.. మోసపోతూనే ఉన్నారు. నకిలీ పోలీసుల మాటలకు భయపడి పెద్ద మొత్తంలో సొమ్ము చెల్లిస్తున్నారు. విజయవాడలో గాయత్రినగర్‌కు చెందిన యువతి ఇలాగే మోసపోయి సైబర్‌ నేరగాళ్లకు 1.25 కోట్లు రూపాయలు చెల్లించింది. తరువాత మోసపోయినట్లు గుర్తించి సైబర్‌ క్రైం పోలీసులకు ఫిర్యాదు చేసింది. కొద్ది నెలలుగా విజయవాడ నగరవాసులను సైబర్‌ నేరగాళ్లు డిజిటల్‌ అరెస్టు పేరుతో భయపెడుతూ డబ్బులు లాగేస్తున్నారు.