విజయవాడ: నీళ్లలో తిరిగి కాలు పోగొట్టుకున్న బాలుడు.. ఆ బ్యాక్టీరియా చాలా డేంజర్

Jaggayyapeta 12 Years Boy Loss Leg Rare Bacterial: జగ్గయ్యపేటలో వరద నీటిలో తిరిగిన బాలుడు కాలును పోగొట్టుకున్నాడు. అత్యంత అరుదుగా వచ్చే..నెక్రోటైజింగ్‌ ఫాసియైటిస్‌ వ్యాధి సోకింది. భవదీప్‌ శరీరంలోకి ప్రమాదకరమైన బ్యాక్టీరియా చొచ్చుకుపోయి తినేయడంవల్ల కుడి కాలును తొడ భాగం వరకు తొలగించారు. ఎడమ మోకాలి కింద భాగంలో 30శాతం మేర కండను కూడా సూక్ష్మక్రిములు తినేశాయి. విజయవాడలోని ఓ కార్పొరేట్‌ ఆసుపత్రిలో చికిత్స పొందుతోన్న భవదీప్‌ వైద్యానికి అవసరమైన ఖర్చు కోసం ప్రభుత్వం రూ.10లక్షలు మంజూరు చేసిన సంగతి తెలిసిందే.