విద్యార్థులకు అలర్ట్.. ఏపీ ప్రభుత్వం మరో నిర్ణయం.. గతంలోలాగే..!?

ఏపీ ప్రభుత్వం మరో కీలక నిర్ణయం తీసుకుంది. పాత పద్ధతిలోనే స్కూళ్లు నిర్వహించాలని నిర్ణయించింది. పాఠశాలల వ్యవస్థలో మార్పులు తెస్తూ గత వైసీపీ ప్రభుత్వం తెచ్చిన జీవో 117 ఉపసంహరించుకోవాలని ఆంధ్రప్రదేశ్ ప్రభుత్వం నిర్ణయించింది. పాత విధానంలో కొన్ని మార్పులు చేసి వచ్చే విద్యాసంవత్సరం నుంచి అమలు చేయాలని భావిస్తున్నారు. ఇందులో భాగంగానే ఏపీ పాఠశాల విద్యాశాఖ మెమో జారీ చేసింది. ప్రత్యామ్నాయ విధానంపై పాఠశాలల ఉపాధ్యాయులు, విద్యార్థులు, వారి తల్లిదండ్రుల నుంచి సూచనలు స్వీకరించిన తర్వాత ప్రత్యామ్నాయ విధానంపై జీవో విడుదల చేయాలని భావిస్తున్నారు.