విశాఖపట్నం: మత్స్యకారుల కోసం అద్భుతమైన ఐడియా.. ఈ మెషిన్ గురించి తెలుసా!

Visakhapatnam Boats Fitted With GPS System: విశాఖపట్నంలో కేంద్ర ప్రభుత్వ సహకారంతో అవాంటెల్ సంస్థ సుమారు 500 VCS పరికరాలను బోట్లకు అమర్చిందన్నారు ఎంపీ శ్రీభరత్. మరో 100 పరికరాలను కూడా తెచ్చే బాధ్యత తీసుకుంటామని ఫిషరీస్ డైరెక్టర్ తెలిపారన్నారు. మత్స్యకారుల భద్రతే తమ ప్రభుత్వ ప్రధాన బాధ్యత అన్నారు. కేంద్ర ప్రభుత్వం తీసుకున్న ఈ నిర్ణయం దానికి సాక్ష్యం అన్నారు. ఈ పరికరాలు మత్స్యకారులకు మరింత ధైర్యాన్ని అందించడంతో పాటు, వారి జీవన విధానాన్ని మరింత లాభసాటిగా మార్చేందుకు తోడ్పడాలని ఆశిస్తున్నాను అన్నారు.