విశాఖలో యువతిపై ఆగంతకుడి దాడి.. అతనెవరో తెలిసిపోయింది.. అలా జరిగిందా?

విశాఖలో యువతిపై గుర్తుతెలియని వ్యక్తి దాడి చేసిన ఘటనలో నిందితుణ్ని పోలీసులు అదుపులోకి తీసుకున్నారు. తనను ఓ వ్యక్తి చెంపపై కొట్టాడని, బూతులు తిట్టాడంటూ ఓ యువతి పోలీసులకు ఫిర్యాదు చేసింది. అలాగే సోషల్ మీడియాలో వీడియో షేర్ చేసింది. ఈ ఘటనపై స్పందించిన పోలీసులు.. ఆ వ్యక్తిని అదుపులోకి తీసుకున్నారు. యువతికి క్షమాపణలు చెప్పించారు. అయితే ఆ వ్యక్తికి మానసిక పరిస్థితి సరిగా లేదని సమాచారం. మరోవైపు పోలీసులను సీఎం చంద్రబాబు అభినందించారు. విశాఖ బ్రాండ్ దెబ్బతీసే ప్రయత్నాలను ఉపేక్షించవద్దని సూచించారు.