వేములవాడ క్షేత్ర అభివృద్ధికి మోక్షం.. మారిపోనున్న రూపురేఖలు.. రూ.126.56 కోట్లు విడుదల

వేములవాడ రాజరాజేశ్వర స్వామి ఆలయ అభివృద్ధికి ఎట్టకేలకు మోక్షం లభించింది. ఆలయలో సరైన సదుపాయాలు లేక.. ఆలయం బయట ఇరుకైన రోడ్లతో భక్తులు తీవ్ర ఇబ్బందులు ఎదుర్కొంటున్నారు. ఈ క్రమంలో.. రేవంత్ రెడ్డి సర్కార్.. ఆలయ అభివృద్ధికి నడుం బిగించింది. ఈ క్రమంలో.. రాజన్న ఆలయ అభివృద్ధి కోసం.. రూ.126.56 కోట్లు విడుదల చేస్తూ.. సర్కార్ ఉత్తర్వులు జారీ చేసింది. నవంబర్ 20వ తేదీన సీఎం రేవంత్ రెడ్డి వేములవాడలో పర్యటించి.. పలు అభివృద్ధి పనులకు శంకుస్థాపన చేయనున్నారు.