వైఎస్ఆర్ జిల్లాలో దారుణం.. లవ్ చేయలేదనే కారణంతో యువతిపై దాడి.. 13 కత్తిపోట్లు

వైఎస్ఆర్ కడప జిల్లాలో దారుణ ఘటన చోటుచేసుకుంది. తన ప్రేమను నిరాకరించిందనే కారణంతో ఓ యువకుడు ఉన్మాదిలా మారిపోయాడు. యువతిపై కత్తితో విచక్షణారహితంగా దాడి చేశాడు. ఈ ఘటనలో బాధితురాలికి 13 చోట్ల కత్తిపోట్లు తగిలాయి. వైఎస్ఆర్ కడప జిల్లా వేముల మండలంలో ఈ దారుణ ఘటన జరిగింది. గాయపడిన యువతిని ఆస్పత్రికి తరలించారు. ప్రస్తుతం యువతి పరిస్థితి విషమంగా ఉన్నట్లు తెలిసింది. పోలీసులు కేసు నమోదు చేసుకుని దర్యాప్తు ప్రారంభించారు. ఘటన తర్వాత నిందితుడు పరారయ్యాడు.