వైసీపీ మాజీ ఎమ్మెల్యే ఇంట్లో రెండో రోజు ఐటీ సోదాలు.. పవన్ కళ్యాణ్ ఎఫెక్ట్ ఉందా?

Ex Mla Grandhi Srinivas It Raids: పశ్చిమగోదావరి జిల్లా భీమవరం మాజీ ఎమ్మెల్యే గ్రంధి శ్రీనివాస్‌ ఇల్లు, వ్యాపార సంస్థల్లో ఐటీ శాఖ అధికారుల బృందం సోదాలు నిర్వహించింది. మాజీ ఎమ్మెల్యే నివాసంతోపాటు ప్రకాశం జిల్లా పాతసింగరాయకొండ గ్రామ పరిధిలోని సాగర్‌ గ్రంధి రొయ్యల ప్రాసెసింగ్‌ యూనిట్, ఇతర పరిశ్రమల్లోనూ ఏకకాలంలో తనిఖీలు చేపట్టారు. కృష్ణా జిల్లా నాగాయలంకలో ఆక్వా వ్యాపారి చెన్ను లక్ష్మణరావు ఇంటితోపాటు ఆయనకు చెందిన వ్యాపార కేంద్రాల్లోనూ సోదాలు చేశారు. ఈయన గ్రంధి శ్రీనివాస్‌తో వ్యాపార లావాదేవీలు జరిపినట్లు తెలుస్తోంది.