వ్యవసాయ కూలీలకు 125 రోజుల పని.. రాష్ట్ర వాటా రూ.2320.10 కోట్లు.. మంత్రి సీతక్క కీలక వ్యాఖ్యలు..

జాతీయ ఉపాధి హామీ పథకంలో కేంద్రం తీసుకొచ్చిన మార్పులు రాష్ట్ర ప్రభుత్వాలకు పెను భారంగా మారాయి. కొత్తగా వచ్చిన 'వీబీజీరామ్ జీ' చట్టం వల్ల నిధుల వాటా 60:40 నిష్పత్తికి చేరడంతో.. తెలంగాణ ప్రభుత్వంపై అదనంగా రూ. 1,789 కోట్ల ఆర్థిక భారం పడుతోంది. గతంలో కేంద్రమే మెజారిటీ నిధులు ఇచ్చేదని.. ఇప్పుడు రాష్ట్రాల వాటా పెంచడం వల్ల ఇబ్బందులు తప్పవని మంత్రి సీతక్క అసెంబ్లీలో పేర్కొన్నారు. ఈ మార్పుల వల్ల ఎస్సీ, ఎస్టీ మరియు మహిళా కూలీల ఉపాధికి నష్టం కలుగుతోందని ఆందోళన వ్యక్తం చేశారు. పనిదినాలను 125 రోజులుగా చెబుతున్నా.. మిగిలిన 50 రోజుల ఖర్చును రాష్ట్రాలే భరించాలనడం సరికాదని, పాత పద్ధతినే కొనసాగించాలని ఆమె డిమాండ్ చేశారు.