శ్రీవారి భక్తులకు అలర్ట్.. ఆ రోజు ఆర్జిత సేవలు రద్దు..

తిరుమల వెంకన్న స్వామి దర్శనానికి వెళ్లే భక్తులకు అలర్ట్.. ఈ నెల నవంబర్ 9న తిరుమల శ్రీవారి ఆలయంలో ఆర్జిత సేవలను టీటీడీ రద్దుచేసింది. నవంబర్ 9న తిరుమల శ్రీవారి ఆలయంలో పుష్పయాగం నిర్వహించనున్నారు. దీనికి నవంబర్ 8న అంకురార్పణ చేస్తారు. ఈ నేపథ్యంలో నవంబర్ 8న సహస్రదీపాలంకార సేవను, నవంబర్ 9న ఊంజల్ సేవ, కళ్యాణోత్సవం, బ్రహ్మోత్సవం వంటి ఆర్జిత సేవలను టీటీడీ రద్దు చేసింది. ఈ విషయాన్ని ఓ ప్రకటనలో తెలిపిన తిరుమల తిరుపతి దేవస్థానం.. భక్తులు గమనించాలని సూచించింది.