సంచలన నిర్ణయం తీసుకున్న తెలంగాణ హైకోర్టు.. ఆ జాబ్ నోటిఫికేషన్ చెల్లదంటూ తీర్పు..

తెలంగాణ హైకోర్టు తెలంగాణ యూనివర్సిటీ (టీయూ)లో 2012 నియామకాలపై సంచలన తుది తీర్పునిచ్చింది. రోస్టర్ పాయింట్లు, నిబంధనలు పాటించనందున ఈ నియామకాలు చెల్లవని హైకోర్టు స్పష్టం చేసింది. ఈ తీర్పు కారణంగా సుమారు 45 మంది ప్రొఫెసర్లు తమ ఉద్యోగాలను కోల్పోనున్నారు. అయితే.. నిబంధనల ప్రకారం కొత్త నోటిఫికేషన్లు జారీ చేసుకోవచ్చని హైకోర్టు యూనివర్సిటీకి సూచించింది. పది సంవత్సరాలకు పైగా నలుగుతున్న ఈ వివాదం తాజా తీర్పుతో ముగిసినట్లైంది.