సద్దుల బతుకమ్మ ఎప్పుడు..? సోమవారమా..? మంగళవారమా..? పండితులు ఏమంటున్నారంటే..

తెలంగాణ సంస్కృతిలో బతుకమ్మ పండుగకు విశేష స్థానం ఉంది. తొమ్మిది రోజుల పాటు రకరకాల పూలతో బతుకమ్మను పేర్చి.. మహిళలు ఆనందోత్సవాల మధ్య పూజించి, ఆఖరి రోజున సద్దుల బతుకమ్మగా నిమజ్జనం చేస్తారు. సాధారణ లెక్కల ప్రకారం ఈసారి తొమ్మిదో రోజు సెప్టెంబర్ 29 సోమవారం రోజున నిమజ్జనం చేయాలని కొందరు అర్చకులు చెబుతుండగా.. లేదు లేదు సెప్టెంబర్ 30న సద్దుల బతుకమ్మ నిర్వహించాలని మరికొందరు అభిప్రాయం వ్యక్తం చేస్తున్నారు. దీంతో ఈ తేదీ మార్పులపై ప్రస్తుతం కొంత గందరగోళ వాతావరణం నెలకొంది.