సర్పంచ్ ఎన్నికల వేళ.. కలెక్టర్ల బదిలీలు..! ఈ 4 జిల్లాలకు కొత్త కలెక్టర్లు..?

తెలంగాణ రాష్ట్రంలో స్థానిక సంస్థల ఎన్నికలు సమీపిస్తున్న తరుణంలో.. ప్రభుత్వం పరిపాలన యంత్రాంగాన్ని పటిష్టం చేస్తోంది. ఇప్పటికే 32 మంది ఐపీఎస్ అధికారులను బదిలీ చేసిన ప్రభుత్వం, ఇప్పుడు ఐఏఎస్ అధికారుల బదిలీలపై దృష్టి పెట్టింది. పలు జిల్లాల కలెక్టర్లను మార్చేందుకు ప్రభుత్వం కసరత్తు చేస్తోంది. ఈ జాబితాలో రాజన్న సిరిసిల్ల, నిర్మల్, పెద్దపల్లి, రంగారెడ్డి వంటి జిల్లాలు ఉన్నట్లు తెలుస్తోంది. కలెక్టర్ల పనితీరుపై ముఖ్యమంత్రి రేవంత్ రెడ్డి నివేదికలు తెప్పించుకుంటున్నారు. సర్పంచ్ ఎన్నికల నోటిఫికేషన్ కంటే ముందుగానే సమర్థులైన జిల్లా అధికారులను నియమించేందుకు ఈ బదిలీలు చేపట్టనున్నారు.