సాంకేతిక లోపం.. ఆ మార్గంలో 2 గంటలుగా మెట్రో సర్వీసులకు అంతరాయం..

హైదరాబాద్‌లో మెట్రో రైలు సేవలు స్తంభించాయి. సాంకేతిక కారణాలతో బ్లూ లైన్ రూట్‌లోని మెట్రో సేవలు దాదాపు 2 గంటల పాటు నిలిచిపోయాయి. ఉదయం 6.30 గంటల నుంచి ఇబ్బంది ఎదురయ్యింది. ఉదయం స్కూళ్లు, ఆఫీసులు, ఉద్యోగాల కోసం వెళ్లేవారు తీవ్ర ఇబ్బంది ఎదుర్కొంటున్నారు. ఐదు పది నిమిషాలకే మెట్రో స్టేషన్ల వద్ద రద్దీ విపరీతంగా ఉంటుంది. అలాంటిది ఆఫీసులు, స్కూళ్లు, కాలేజీలకు వెళ్లే సమయం కావడంతో మరింత రద్దీ ఏర్పడింది.