సిగాచీ పేలుడు తీవ్రతకు భూప్రకంపనలు.. సీసీటీవీ ఫుటేజీ వైరల్

హైదరాబాద్ శివార్లలోని పాశమైలారంలో ఉన్న సిగాచి ప్లాంట్‌లో సంభవించిన అగ్ని ప్రమాదంలో 40 మందికిపైగా ప్రాణాలు కోల్పోయిన సంగతి తెలిసిందే. ప్లాంట్‌లో అగ్నిప్రమాదం సంభవించడానికి ముందు భారీ శబ్దంతో పేలుడు సంభవించింది. ఈ పేలుడు తీవ్రతకు ప్లాంట్ పరిసర ప్రాంతాల్లో భూ ప్రకంపనలు సంభవించాయి. సిగాచీకి దగ్గర్లో ఉన్న పరిశ్రమకు సంబంధించిన భవనాలు కంపించిన దృశ్యాలు సీసీటీవీలో రికార్డయ్యాయి.