సౌదీ బస్సు ప్రమాద బాధిత కుటుంబాలకు రూ.5 లక్షల పరిహారం.. రాష్ట్ర మంత్రి మండలి నిర్ణయం..

సౌదీ అరేబియాలో ఉమ్రా యాత్ర సందర్భంగా జరిగిన ఘోర బస్సు ప్రమాదంలో హైదరాబాద్‌కు చెందిన 45 మంది యాత్రికులు మరణించడంపై తెలంగాణ ప్రభుత్వం తీవ్ర దిగ్భ్రాంతి వ్యక్తం చేసింది. మృతుల కుటుంబాలకు రూ. 5 లక్షల చొప్పున పరిహారం ఇవ్వాలని కేబినెట్ నిర్ణయించింది. మృతదేహాలకు అక్కడే అంత్యక్రియలు నిర్వహించేందుకు.. బాధిత కుటుంబాల నుంచి ఒక్కొక్కరికి ఇద్దరు చొప్పున సౌదీకి తీసుకెళ్లేందుకు మంత్రి అజారుద్దీన్ ఆధ్వర్యంలో ప్రభుత్వ ప్రతినిధి బృందాన్ని పంపాలని ప్రభుత్వం తీర్మానించింది.