స్థానిక మహిళలతో కలిసి.. ముగ్గేసిన ఎమ్మెల్యే మల్లారెడ్డి..

సంక్రాంతి పండుగ వేళ మేడ్చల్ నియోజకవర్గం పూడూరులో పండుగ శోభ ఉట్టిపడింది. కిష్టాపూర్ డివిజన్ పరిధిలోని కేఎల్ఆర్ ప్రాంతంలో బీఆర్ఎస్ నాయకుడు ఆకిటి నవీన్ రెడ్డి ఆధ్వర్యంలో నిర్వహించిన ముగ్గుల పోటీల్లో ఎమ్మెల్యే మల్లారెడ్డి ప్రత్యేక ఆకర్షణగా నిలిచారు. అతిథిగా రావడమే కాకుండా.. స్వయంగా ముగ్గు వేసి మహిళలను ఉత్సాహపరిచారు. తనదైన పంచ్ డైలాగులతో అందరినీ అలరించే మల్లారెడ్డి.. సంప్రదాయ ముగ్గులు వేయడంలోనూ తన ప్రతిభను చాటుకుని అందరినీ ఆశ్చర్యపరిచారు.